وائٹ ہاؤس نے زکا وائرس سے لڑنے کیلئے کانگریس سے 1.8ارب ڈالردینے کا مطالبہ کر دیا

واشنگٹن ڈی سی(ویب ڈیسک)وائٹ ہاؤس نے زکاوائرس سے لڑنے کےلیے کانگریس سے ایک اعشاریہ آٹھ ارب ڈالردینے کامطالبہ کردیا ، ادھراولمپک کمیٹی نے کہاہے کہ زکاوائرس کاخطرہ برقراررہا تودوہزارسولہ کے اولمپک مقابلوں کےلئے کھلاڑیوں کوبھیجنامشکل ہوجائے گا۔ تفصیلات کےمطابق امریکا زکاوائرس کوکنٹرول کرنے کےلیے عملی طورپرمیدان میں آگیا وائٹ ہاؤس نے کانگریس سے ہنگامی طورپرایک اعشاریہ آٹھ ارب ڈالردینے کامطالبہ کردیا رقم زکا وائرس سے متاثرہ حاملہ خواتین کے علاج،ویکسین کی تیاری اورتحقیقی مقاصدکےلیے استعمال ہوگی۔ ادھرامریکی اولمپک کمیٹی نے کہا ہے کہ اگر برازیل میں زکا وائرس کا خطرہ برقرار رہا توا سپورٹس فیڈریشن کو دوہزارسولہ کے اولمپک مقابلوں میں اپنے ایتھلیٹس  بھیجنامشکل ہوجائے گا تاہم جاپان اوربرطانیہ نے کہاہے کہ زکاوائرس سے اولمپک مقابلے متاثرنہیں ہونگے۔