نیویارک: فائرنگ سے سکیورٹی گارڈ شدید زخمی، اسپتال منتقل، مسلح شخص نے فائرنگ کے بعد خود کو بھی گولی مار لی
نیویارک (ویب ڈیسک) امریکی ریاست نیویارک میں ایک مسلح مشتبہ شخص نے فائرنگ کر کے وفاقی عمارت کے سکیورٹی گارڈ کو زخمی کر دیا جبکہ خود کو بھی گولی مار کر زندگی کا خاتمہ کر لیا۔
فائرنگ کا واقعہ امریکی ریاست نیویارک شہر کے علاقہ مین ہٹن میں پیش آیا جہاں ایک مسلح مشتبہ شخص نے وفاقی عمارت کے سکیورٹی گارڈ پر فائرنگ کر کے اسے شدید زخمی کر دیا جبکہ فائرنگ کرنے کے بعد ملزم نے خود کو بھی گولی مار لی جس سے وہ موقع پر دم توڑ گیا۔
فائرنگ سے زخمی ہونے والے سیکورٹی گارڈ کو اسپتال منتقل کر دیا گیا ہے۔ واقعے کے فوری بعد سکیورٹی خدشات کے باعث عمارت کو خالی کرا لیا گیا۔
