نیول چیف سے یواے ای کے سفیر کی ملاقات، باہمی دلچسپی کے اُمور پر تبادلہ خیال
اسلام آباد (92 نیوز) نیول چیف ایڈمرل محمد امجد خان نیازی سے پاکستان میں تعینات متحدہ عرب امارات کے سفیر حماد عبید ابراہیم سالم الزابی نے ملاقات کی۔ باہمی دلچسپی کے اُمور پر تبادلہ خیال کیا۔
ترجمان پاک بحریہ کے مطابق منگل کے روز پاکستان میں تعینات متحدہ عرب امارات کے سفیر حماد عبید ابراہیم سالم الزابی نے نیول ہیڈ کوارٹرز اسلام آباد کا دورہ کیا۔
ترجمان کے مطابق نیول چیف ایڈمرل محمد امجد خان نیازی سے یواے ای کے سفیر کی ملاقات ہوئی، جس میں باہمی دلچسپی کے اُمور اور میری ٹائم سکیورٹی صورت حال پر بات چیت کی گئی۔
