نیوزی لینڈ نے دوسرے ون ڈے میں بھی گرین شرٹس کو پچھاڑ دیا
ہملٹن ( 92 نیوز ) نیوزی لینڈ نے دوسرے ون ڈے میں بھی گرین شرٹس کو پچھاڑ دیا ۔ کیویز نے 151 رنز کا ہدف صرف دو وکٹوں پر حاصل کر لیا ۔ مارٹن گپٹل نے 86 رنز کی ناقابل شکست اننگز کھیلی ۔ نیوزی لینڈ نے پانچ میچز کی سیریز میں دو صفر کی برتری حاصل کر لی۔
گرین شرٹس نے پہلے کھیلتے ہوئے مقررہ 50 اوورز میں 246 رنز جوڑے ۔ قومی بلے بازوں کا شو ایک بار پھر فلاپ ہوا ۔ ٹاپ آرڈرز بری طرح ناکام رہے ۔
اوپنر اظہر علی ایک بار پھر دھوکا دے گئے صرف 6 رنز پر ہی پویلین لوٹ گئے ۔ امام الحق 2 ،بابر اعظم 10 ،شعیب ملک 27،کپتان سرفراز احمد نے 3 رنز بنائے ، محمد حفیظ 60 رنز بنا کر نمایاں رہے ۔
حسن علی اور شاداب خان نے شاندار بیٹنگ کی ۔ دونوں نے نصف سنچریاں اسکور کیں ۔ کیویز کیجانب سے فرگیوسن نے سب سے زیادہ 3 وکٹیں حاصل کیں ۔
بارش کے باعث نیوزی لینڈ کو جیت کیلئے 25 اوورز میں 151 رنز کا ہدف ملا ۔ اوپنر کولن منر وکھاتہ کھولنے میں ناکام رہے ۔ کین ولیمسن نے 19 رنز بنائے ۔
مارٹن گپٹل نے جارحانہ انداز اپنایا اور 86 رنز کیساتھ ناقابل شکست رہے ۔ روز ٹیلر نے 45 رنز بنائے ۔ نیوزی لینڈ نے مقررہ ہدف 24ویں اوور میں صرف دو وکٹوں پر حاصل کر لیا ۔
مارٹن گپٹل کو عمدہ بلے بازی پر میچ کا بہترین کھلاڑی قراردیا گیا ۔ نیوزی لینڈ نے پانچ میچز کی سیریزمیں دو صفر کی برتری حاصل کر لی ۔