نیو اسلام آباد ائیر پورٹ پر اے ایس ایف کی کارروائی ، منشیات اسمگلنگ کی کوشش ناکام بنا دی

 اسلام آباد (92 نیوز) نیو اسلام آباد ائیر پورٹ پر اے ایس ایف نے بڑی کارروائی کرتے ہوئے بیرون ملک منشیات اسمگلنگ کی کوشش ناکام بنا دی ۔ جدہ جانے والے مسافر کے سامان سے 7 کلوگرام سے زائد منشیات برآمد کر لی۔ اے ایس ایف حکام نے بتایا کہ ملزم محمد عدنان شیخوپورہ کا رہائشی ہے اور غیر ملکی ائرلائن کی پرواز ڈبلیو وائے 346 سے جدہ جانا چاہتا تھا۔ ملزم کے سامان کی تلاشی لی گئی تو بھاری مقدار میں ہیروئن برآمد ہوئی۔ ملزم نے منشیات بیگ میں چھپا رکھی تھی۔ ملزم کو گرفتار کرکے اے این ایف کے حوالے کر دیا گیا ہے ۔