نیشنل ڈیزاسٹر مینجمنٹ اتھارٹی کی جانب سے پی آئی اے کو ایک لاکھ ڈالر کا حفاظتی کٹس کا عطیہ
اسلام آباد (92 نیوز) نیشنل ڈیزاسٹر مینجمنٹ اتھارٹی کی جانب سے پی آئی اے کو ایک لاکھ ڈالر کا حفاظتی کٹس کا عطیہ دے دیا گیا۔
کٹس میں حفاظتی لباس ، ماسک اور عینکیں شامل ہیں۔ ان کٹس کا استعمال پی آئی اے کا عملہ دوران پرواز کرے گا۔
سی ای او پی آئی اے ایئر مارشل ارشد ملک نے چیئرمین این ڈی ایم اے کا شکریہ ادا کرتے ہوئے کہا ہے کہ تمام قومی ادارے مکمل یکجہتی اور یگانگت سے ملک کی خدمت میں مصروف ہیں۔ عطیہ کردہ سامان سے پی آئی اے کے عملے اور مسافروں کو محفوظ بنانے میں مدد ملے گی۔