نیدرلینڈکا اسلام مخالف اقدام،عوامی مقامات پر نقاب پر پابندی عائد
نیدرلینڈ ( 92 نیوز ) نیدرلینڈ کی حکومت کی جانب سے اسلام مخالف اقدام اٹھایا گیا ہے اور ملک بھر میں عوامی مقامات پر نقاب کے استعمال پر پابندی عائد کردی گئی ہے ۔ خلاف ورزی کرنے والی خاتون کو چار سو یورو جرمانہ بھرنا پڑے گا ، اسلام مخالف سیاسی رہنماؤں نے اقدام کو بڑی کامیابی قرار دے دیا۔
سینٹ میں پیش کیے جانے والے بل کے حق میں 44جبکہ مخالفت میں 31 ووٹ ڈالے گئے ، قانون کے تحت تعلیمی اداروں، پبلک ٹرانسپورٹ، سرکاری اداروں اور ہسپتال میں نقاب کرنے کی ممانعت ہوگی۔خلاف ورزی کرنے والی خاتون کو چار سو یورو جرمانہ کیا جائے گا ۔
دوسری جانب اسلام مخالف رہنما گیرٹ وائلڈز نے پابندی کو بڑی کامیابی قرار دیا ہے ، انھوں نے ہرزہ سرائی کرتے ہوئے کہا کہ نیدرلینڈز کا ڈی اسلامائزیشن کی جانب یہ پہلا قدم ہے، اگلا کام ملک بھر میں مساجد کو بند کرنا ہوگا ۔
برقعے پر پابندی سب سے پہلے فرانس میں 2010 میں عائد کی گئی تھی ، جس کے بعد آسٹریا، بیلجیم، بلغاریہ اور ڈنمارک نے بھی یہ قدم اٹھایا۔