نیدر لینڈ کا اسلام آباد پولیس کی پیشہ وارانہ صلاحیتوں کا اعتراف
اسلام آباد ( 92 نیوز) نیدر لینڈ کی جانب سے اسلام آباد پولیس کی پیشہ وارانہ صلاحیتوں کا اعتراف کرتے ہوئے آئی جی اسلام آباد کو شکریہ کا خط لکھا گیا ۔
نیدر لینڈ کے سفیر ووٹر پلومپ نے خط میں لکھا کہ ملکہ میگسیما کے دورہ پاکستان کے موقع پر سکیورٹی کے بہترین اور فول پروف انتظامات کئے گئے ، انہیں انتظامات نے ملکہ کے اہم دورہ کو کامیاب بنایا ۔
خط میں کہا گیا کہ آئی جی اسلام آباد نے بہترین حکمت عملی مرتب کی ، بہترین سکیورٹی دینے پر ایس ایس پی سکیورٹی اور ایس ایس پی اسپیشل برانچ کے مشکور ہیں ۔