ن لیگی ترجمانوں کا نیب ترمیمی آرڈیننس پر سیاست کرنا افسوسناک ہے، فردوس عاشق اعوان

 اسلام آباد (92 نیوز) معاون خصوصی فردوس عاشق اعوان نے کہا نیب کیخلاف محاذ کھولنے والے ن لیگی ترجمانوں کا نیب ترمیمی آرڈیننس پر سیاست کرنا افسوسناک ہے۔

فردوس عاشق اعوان نے ٹویٹ میں کہا وزیراعظم عمران خان کا دامن صاف ہے، انہیں احتساب کا کوئی خوف نہیں۔ سب سے بڑی عدالت نےعمران خان کو صادق اور امین قرار دیا۔

فردوس عاشق اعوان نے کہا ان کے بدترین سیاسی مخالف  بھی ان پر کرپشن کا الزام لگانے میں ناکام رہے اور رہینگے۔ عمران خان کا کرپشن کے خلاف جہاد بھرپور قوت سے جاری ہے۔ نیب کا کام میگا کرپشن اسکینڈلز کے خلاف کارروائی عمل میں لانا ہے اور یہ کام نیب اور بھی قوت سے انجام دے گا۔

معاون خصوصی فردوس عاشق اعوان کا کہنا تھا ایسے سرکاری ملازمین کے خلاف ضرور کارروائی ہو گی جنہوں نے طریقہ کار کی غلطیوں یا محکمانہ نقائص سے ذاتی مفادات حاصل کئے ہونگے۔ اختیارات کا ناجائز استعمال کرتے ہوئے اثاثہ جات میں بے پناہ اضافہ رکھنے والے پبلک آفس ہولڈرز کارروائی سے ہرگز مبرا نہیں۔

 فردوس عاشق اعوان نے کہا آرڈیننس کے تحت دیانتدار پبلک آفس ہولڈرز بلا خوف وخطر عوامی مفاد میں فیصلے کر سکیں گے اور اپنی قانونی ذمہ داریاں انجام دیں سکیں گے۔ اس سے گورننس مزید فعال، معیشت مستحکم اور تجارتی ماحول ساز گار ہو گا۔