نیب کی آئی جی سندھ سمیت سندھ کے چودہ پولیس افسروں کے خلاف تحقیقات کی منظوری، پولیس افسروں پر فنڈز میں خوردبرد کرنیکا الزام

کراچی (نائنٹی ٹو نیوز) چیئرمین نیب نے آئی جی سندھ اور ایڈیشنل آئی جی کراچی سمیت سندھ کے چودہ پولیس افسروں کے خلاف تحقیقات کی منظوری دے دی۔ ذرائع کے مطابق پولیس افسروں پر ناجائز اثاثے اور پولیس کے مختلف فنڈز میں خوردبرد کرنے کا الزام ہے۔ تحقیقات کا سامنا کرنے والوں میں آئی جی سندھ غلام حیدر جمالی، ایڈیشنل آئی جی کراچی غلام قادر تھیبو، ایس ایس پی پیر محمد شاہ، انچارج سی ٹی ڈی راجہ عمر خطاب سمیت چودہ افسران شامل ہیں۔ ذرائع کے مطابق تحقیقات کے لیے نیب سندھ کی ٹیم تشکیل دے دی گئی ہے۔