نیب کا مقصد صرف پکڑ دھکڑ نہیں ہے ،چیف جسٹس پاکستان
اسلام آباد ( 92 نیوز) سپریم کورٹ میں کرپشن کیس کی سماعت کے دوران چیف جسٹس پاکستان آصف سعید کھوسہ نے ریمارکس دیے کہ نیب کا کام صرف پکڑ دھکڑ کرنا نہیں ہے ۔
نیشنل بینک میں بطور کیشیئر ملزم عطا اللہ پر نیب کی جانب سے کرپشن کا الزام عائد کیا گیا ، ملزم کی بریت کیخلاف نیب اپیل پر سماعت کے دوران چیف جسٹس پاکستان نے ریمارکس دیے کہ نیب کو سوچنا چاہئے کہ صرف کیس بنانا مقصد نہیں ، اسی رویے کی وجہ سے لوگ ذہنی دباؤ کا شکار ہیں ۔
عدالت نے ملزم عطا اللہ کی بریت کیخلاف نیب کی اپیل مسترد کر دی ۔
