نیب نے پی پی ایل کے خلاف انکوائری رپورٹ عدالت عظمیٰ میں جمع کرا دی
اسلام آباد ( 92 نیوز ) نیب نے پی پی ایل کے خلاف انکوائری رپورٹ عدالت عظمیٰ میں جمع کرا دی، رپورٹ میں برطانوی کمپنی کے اثاثوں کی خریداری میں گھپلوں کا بڑا انکشاف ہوا ہے ۔
پاکستان پٹرولیم کمپنی میں بدعنوانی و بےضابطگیوں کے معاملہ پر نیب نے پی پی ایل کے خلاف انکوائری رپورٹ سپریم کورٹ میں جمع کرا دی ۔ انکوائری میں چیک ریپبلک کے شہری کی بطور بینیفشری نشاندہی ہوئی ہے ، نیب رپورٹ میں پی ایس او، اور بائیکو آئل کمپنی کے مابین سیل پرچیز معاہدے پر بھی سوالات اٹھائے گئے ہیں ۔
پی ایس او اور بائیکو معاہدے سے متعلق قانونی تقاضے پورے کرنے کے بعد ریفرنس دائر کیا جائے گا ۔