حمزہ شہباز 26 جون تک جسمانی ریمانڈ پر نیب کے حوالے
لاہور ( 92 نیوز ) حمزہ شہباز 26 جون تک جسمانی ریمانڈ پر نیب کے حوالے کر دیے گئے ۔ لاہور کی احتساب عدالت نے حمزہ شہباز کو 26 جون تک جسمانی ریمانڈ پر نیب کے حوالے کیا۔
نیب نے حمزہ شہباز کو احتساب عدالت لاہور پیش کیا ،جہاں حمزہ شہباز 26 جون تک جسمانی ریمانڈ پر نیب کے حوالے کر دیے گئے ۔
حمزہ شہباز نے آمدن سے زائد اثاثہ جات اور رمضان شوگر ملز کیس میں لاہور ہائیکورٹ سے ضمانت لے رکھی تھی ، گزشتہ روز ضمانت میں توسیع کیلئے درخواست کی سماعت کے دوران ان کی جانب سے درخواستیں واپس لے لی گئیں ۔
حمزہ کی جانب سے ضمانت کی درخواستیں واپس لینے پر لاہور ہائیکورٹ نے ان کی درخواستیں خارج کر دیں ، جس کے بعد نیب کی ٹیم نے انہیں احاطہ عدالت سے گرفتار کر کے نیب آفس ٹھوکر نیاز بیگ آفس منتقل کر دیا تھا۔