نیب نے ترمیمی آرڈیننس کے باوجود حکومت کیلئے خطرے کی گھنٹی بجا دی

اسلام آباد  ( 92 نیوز) نیب نےترمیمی آرڈیننس کےباوجود حکومت کیلئے خطرے کی گھنٹی بجادی ،  مالم جبہ سکینڈل میں وزراء، بیوروکریٹس اورافسران کے خلاف کارروائی کا فیصلہ کرلیا ۔ نیب کی جانب سے مالم جبہ سکینڈل کی تحقیقات کو منطقی انجام تک پہنچانے کا فیصلہ کرلیا گیا ،  وزراء اور بیوروکریٹس کا معاملہ ایگزیکٹو بورڈ کو ارسال کر دیا گیا ، فیصلہ نیب ہیڈ کوارٹر میں گذشتہ روز مالم جبہ سکینڈل کا جائزہ لینے کے بعد کیا گیا ۔ ایگزیکٹو بورڈکی جانب سے آئندہ اجلاس میں ریفرنس  منظوری کا امکان ہے ،   28دسمبرسے قبل کی انکوائریوں اور انوسٹی گیشنز مکمل کی جائیں گی۔ وزیردفاع پرویز خٹک، سابق ایڈیشنل سیکرٹری خالد پرویزکے خلاف انکوائری ہوئی ، ایم ڈی ٹورازم کارپوریشن اور وزیراعظم آفس میں تعینات بیوروکریٹ کے خلاف انکوائری ہوئی۔