نومنتخب وزیراعلیٰ گلگت بلتستان خالد خورشید خان نے عہدے کا حلف اٹھا لیا
حلف برداری کی تقریب میں نگران وزیراعلیٰ گلگت بلتستان میرافضل خان اور نئے اسپیکر امجد زیدی بھی شریک تھے۔
معاون خصوصی وزیراعلیٰ پنجاب ڈاکٹر فردوس عاشق اعوان نے ٹویٹر پیغام میں کہا بیرسٹر خالد خورشید کو گلگت بلتستان کی وزارت اعلی کا منصب سنبھالنے پر مبارکباد پیش کرتے ہیں۔ خالد خورشید کا انتخاب تحریک انصاف پر عوامی اعتماد کا مظہر ہے۔ امید ہے نومنتخب وزیراعلی خالد خورشید وزیراعظم عمران خان کے ویژن کے مطابق گلگت بلتستان کے عوام کی خدمت کیلئے بہترین کام کرینگے۔
بیرسٹر خالد
خورشید کو گلگت بلتستان کی وزارت اعلی کا منصب سنبھالنے پر مبارکباد پیش
کرتے ہیں:
خالد خورشید کا انتخاب تحریک انصاف پر عوامی اعتماد کا
مظہر ہے! امید ہے نومنتخب وزیراعلی خالد خورشید وزیراعظم عمران خان کے ویژن
کیمطابق GB کے عوام کی خدمت کیلئے بہترین کام کرینگے۔ pic.twitter.com/XIi9Cek3Fw
ادھر پی ٹی آئی سنٹرل پنجاب کے صدر اعجازاحمد چودھری نے بھی بیرسٹر خالد خورشید خان کو گلگت بلتستان کا وزیر اعلیٰ منتخب ہونے پر مبارکباد پیش کی۔ انہوں نے کہا گلگت بلتستان میں پی ٹی آئی کی حکومت عوام کی امنگوں کی ترجمان ہو گی ۔ پی ٹی آئی کی حکومت گلگت بلتستان میں عوام کی محرومیوں کا ازالہ کرے گی ۔ جی بی کے الیکشن میں پی ڈی ایم کو عبرتناک شکست ہوئی۔
