نوازشریف مودی سے دوستی بڑھانے کی بجائے مسئلہ کشمیر پر پارلیمنٹ کا مشترکہ اجلاس بلائیں : کشمیری رہنما
![نوازشریف مودی سے دوستی بڑھانے کی بجائے مسئلہ کشمیر پر پارلیمنٹ کا مشترکہ اجلاس بلائیں : کشمیری رہنما](https://urdu.92newshd.tv/wp-content/uploads/2016/07/kashmiriri.jpg)
اسلام آباد(92نیوز)کشمیری رہنماوں نے مقبوضہ کشمیر میں بھارتی فوج کی بربریت کے خلاف احتجاج کرتے ہوئے وزیراعظم نواز شریف سے مطالبہ کیا ہے کہ مودی سے دوستی بڑھانے کی بجائے مسئلہ کشمیر پر پارلیمنٹ کا مشترکہ اجلاس بلائیں۔
تفصیلات کےمطا بق مقبوضہ وادی میں بھارتی جارحیت کے خلاف پاکستان کی کشمیری قیادت اور رہنماوں نے اپنی آواز بلند کرتے ہوئے کہا ہے کہ مودی سرکار مقبوضہ کشمیر میں مسلسل مظالم کر رہی ہے۔ کشمیری نوجوانوں کو چن چن کر قتل کیا جارہا ہے ، گذشتہ چار روز میں چالیس سے زائد نوجوان بھارتی فوجیوں کی گولیوں کا نشانہ بنے ہیں۔
کشمیری رہنماوں کا کہناتھا بھارتی حکومت عالمی فورم پر اپنے جھوٹ کو سچ قرار دینے میں کامیاب ہورہی ہے مگر پاکستان مسئلہ کشمیر کو موثر انداز میں اجاگر نہیں کررہا۔
کشمیری رہنماوں نے حکومت سے مطالبہ کیا ہے کہ مسئلہ کشمیر پر پارلیمنٹ کا مشترکہ اجلاس بلا کر اسے عالمی فورم پراٹھایا جائے۔