نوازشریف علاج کیلئے باہر جانے پر رضامند ہو گئے ، ذرائع

 لاہور (92 نیوز) نوازشریف کے علاج کے حوالے سے بڑی خبر آ گئ۔ ذرائع کے مطابق نوازشریف علاج کیلئے باہر جانے پر رضامند ہو گئے ہیں۔ نوازشریف کو مکمل طبی سہولیات دیکر باہر لے جانے پر کام شروع کر دیا گیا۔ نوازشریف کو چوبیس اور پچیس اکتوبر کی درمیانی شب انجائنا کا اٹیک ہوا تھا۔ ذرائع نے بتایا ہے کہ بیرون ملک سے ایک معروف ڈاکٹر بھی علاج کے  کیلئے پاکستان آرہے ہیں۔ نوازشریف کی ضمانت کی صورت میں انہیں فوری طور پر کس اسپتال میں منتقل کیا جائے گا اس پر بھی غور شروع کر دیا گیا۔ شریف خاندان نے نوازشریف کے علاج کے لیے اتفاق اسپتال، شریف میڈیکل سٹی اور حمید لطیف اسپتال کے ناموں پر غور شروع کر دیا ہے۔