نواز شریف کے پلیٹ لیٹس 35 ہزار ہو گئے
لاہور ( 92 نیوز ) نواز شریف کی صحت میں بہتری کی سرتوڑکوششیں جاری ہیں ، پلیٹ لیٹس میں معمولی اضافہ تعداد 35 ہزارہوگئی، پی کے ایل آئی سے پیٹ اسکین کروانے کافیصلہ کرلیاگیا،مسلم لیگ ن کے قائد نے چھوٹے بھائی کو آزادی مارچ کے لئے اسلام آباد جانے کامشورہ دیا مگر شہبازشریف بھائی کی علالت کے باعث جانے کوتیارنہیں ۔
قائد ن لیگ نواز شریف کے پلیٹ لیٹس میں اتارچڑھاؤجاری ، ذرائع کے مطابق پلیٹ لیٹس کی تعداد معمولی اضافہ ہوا،آخری رپورٹ کے مطابق پلیٹ لیٹس پینتیس ہزارتھے ۔
ذرائع نے بتایا کہ نواز شریف کا پی کے ایل آئی سے پیٹ سکین کروانے کا فیصلہ کرلیاگیا، بلڈ شوگر لیول نارمل ہونے پرپیٹ اسکین ہو گا ، پلیٹ لیٹس بڑھانے والے انجکشن کا کورس مکمل ہونے کےبعد اسٹرائیڈز سے علاج جاری ہے ۔
میڈیکل بورڈ کےمطابق نواز شریف نےمنگل کی رات دانتوں کی فلنگ میں مسئلےکی نشاندہی کی جس پر ڈینٹل اوپی ڈی میں ڈاکٹر بابر سبزواری نےنئی فلنگ کی ، نواز شریف نو دن کے بعد وارڈ سے نکلے اور خود چل کر وارڈ تک گئے ۔
شہباز شریف نے اسپتال میں بڑے بھائی کی عیادت کی ، ذرائع کے مطابق نوازشریف نے شہبازشریف کو آزادی مارچ کے لئے اسلام آباد جانے کامشورہ دیا ، تاہم شہبازشریف بڑے بھائی کی علالت کی وجہ سےجانے کے لیے رضا مند نہیں۔
