نواز شریف کی زیر صدارت جاتی امرا میں نون لیگ کے بڑوں کی بیٹھک، سیاسی صورتحال پر غور

لاہور ( 92 نیوز ) نواز شریف کی زیر صدارت جاتی امرا میں نون لیگ کے بڑوں کی بیٹھک ہوئی ۔ بیٹھک میں وزیراعظم شاہد خاقان عباسی ، وزیراعلیٰ شہباز شریف، سعد رفیق، شوکت ترین اور دیگر نے شرکت کی ۔اجلاس میں ملکی سیاسی صورتحال، سینیٹ انتخابات، اپوزیشن احتجاج پر بھی غور کیا گیا ۔

مشاورتی اجلاس میں وزیراعظم شاہدخاقان عباسی،وزیراعلیٰ پنجاب شہبازشریف،خواجہ سعدرفیق،مریم نوازاورسابق وزیرخزانہ شوکت ترین بھی شریک ہوئے  ۔وزیراعظم شاہد خاقان عباسی نے پارٹی امور اور بلوچستان کے حوالہ بریفنگ دی ۔

وزیر اعظم شاہد خاقان عباسی کی آمد کے پیش نظر رائیونڈ سمیت جاتی امرا کے اطراف کی  سکیورٹی سخت کی گئی تھی ۔  چیف سیکرٹری پنجاب  بھی نوازشریف سے ملاقات کے لئے جاتی امراپہنچے ۔