نواز شریف کی بیماری پر ماضی کی طرح جھوٹ بولا گیا، فواد چودھری
اسلام آباد ( 92 نیوز) وفاقی وزیر اطلاعات و نشریات فواد چودھری نے کہا کہ نواز شریف کی بیماری پر ہمیشہ کی طرح جھوٹ بولا گیا ہے ۔
اپنے ٹویٹ میں نواز شریف کو تنقید کا نشانہ بناتے ہوئے فواد چودھری کا کہنا تھا کہ ایمبولینس کی بجائے
مولانا فضل الرحمٰن جاتی امرا ء پہنچ گئے ، مولانا میاں صاحب کو سیاسی آکسیجن دے رہے ہیں ، عدالت اس کا نوٹس لے ۔
فواد چودھری نے اپنے ٹویٹ میں لکھا کہ 1947 سے 2008 تک پاکستان پر کل بیرونی قرض 37 بلین ڈالر واجب الادا تھا ، اس رقم سے اسلام آباد بنا ، تربیلا ، منگلا ڈیم بنے ، بیول بیسز بنائی گئیں اور فوج کو جدید ہتھیاروں سے لیس کیا گیا ، گوادر اور موٹروے بنی ۔
وفاقی وزیر نے کاہ کہ 2008تا 2018 بیرونی قرض 97 ارب ڈالر پر پہنچ گیا ، 60 ارب ڈالر کا اضافہ ہوا ، سوال یہ ہے کہ یہ پیسہ کہاں گیا ، یہ دو خاندانوں میں تقسیم ہوا ، حدیبیہ فراڈ کا ماڈل کرپشن کے لئے دونوں حکمران خاندانوں نے بار بار استعمال کیا۔
فواد چودھری کا کہنا تھا کہ پیسہ ہنڈی ، حوالہ سے باہر بھیجا گیا اور گھمایا گیا، جعلی اکاؤنٹس اور جعلی لوگ استعمال ہوئے، نواز، شہباز اور زرداری اس تماشے کے مرکزی کردار ہیں، سائیڈ رول والے درجنوں ہیں۔
