نواز شریف کا ای سی ایل معاملہ، وزارت داخلہ کی ذیلی کمیٹی کا اجلاس کل طلب

اسلام آباد (92 نیوز) نوازشریف کا نام ای سی ایل سے نکالنے کے معاملہ پر وزارت داخلہ نے ذیلی کمیٹی کا اجلاس کل طلب کرلیا۔ ذیلی کمیٹی نے فریقین کو نوٹسز جاری کر دیئے۔ وزارت داخلہ نے ذیلی کمیٹی کا اجلاس کل صبح 10 بجے ہوگا، اس حوالے سے فریقین کو نوٹس جاری کر دئیے گئے ہیں۔ جاری نوٹس کے مطابق درخواست گزار شہباز شریف یا ان کے نمائندہ کو پیش ہونے کے لیے کہا گیا ہے، نیب کو بھی اپنا نمائندہ کمیٹی میں بھیجنے کا نوٹس جاری کر دیا گیا جبکہ سیکرٹری صحت پنجاب کو بھی نوٹس بھیجا گیا۔ پنجاب حکومت کی جانب سے بنائے جانے والے میڈیکل بورڈ کو بھی نوٹس کے ذریعے طلب کیا گیا ہے، فریقین کو متعلقہ دستاویزات کے ساتھ کمیٹی میں پیش ہونے کی ہدایت کی گئی ہے۔