نواز شریف اور آصف زرداری خود کو منڈیلا اور گاندھی کے طور پر پیش کرتے ہیں ، فواد چودھری
ریاض (92 نیوز) وفاقی وزیر اطلاعات و نشریات فواد چوہدری نے کہا نواز شریف اور آصف زرداری خود کو منڈیلا اور گاندھی کے طور پر پیش کرتے ہیں۔
سعودی عرب کے دارلحکومت ریاض میں پریس کانفرنس کرتے ہوئے فواد چوہدری کا کہنا تھا کہ سپریم کورٹ سے نوازشریف کو ضمانت ملی ہے۔ یہی کچھ حکومت ان کو آفر کر رہی تھی مگر وہ بات مان نہیں رہے تھے۔
انہوں نے کہا کہ بلاول بھٹو زرداری اور مریم نواز محض اپنےاپنے والد کو بچانے کے لئے نام نہاد سیاسی بیان بازیاں اور ٹرین مارچ کر رہے ہیں مگر احتساب جاری رہے گا۔
فواد چوہدری نے اپنے دورے کے حوالے سے بتایا کہ پاکستان اور سعودی عرب ملکر ثقافتی سرگرمیوں کو شروع کرنے کے خواہشمند ہیں۔ اس کے لئے مشترکہ طور پر فلم سازی اور ڈرامہ سازی کو فروغ دیا جائے گا۔