نو منتخب امریکی صدر جوبائیڈن نے اپنی میڈیا ٹیم کا اعلان کر دیا
41 سالہ جین ساکی وائٹ ہاؤس کی پریس سیکرٹری ہوں گی جو اس سے قبل کئی دیگر اہم عہدوں کے علاوہ سابق صدر باراک اوباما کی انتظامیہ میں وائٹ ہاؤس کی کمیونیکیشن ڈائریکٹر رہ چکی ہیں۔
جین ساکی کے علاوہ چھ دیگر خواتین کو بھی میڈیا ٹیم میں منتخب کیا گیا ہے جن میں کیٹ بیڈنگفیلڈ کو وائٹ ہاؤس کی کمیونیکیشن ڈائریکٹر کے طور پر چنا گیا ہے جو حالیہ الیکشن میں جو بائیڈن کی ڈپٹی کمپین مینیجر تھیں۔
جو بائیڈن نے کہا ہے کہ مجھے وائٹ ہاؤس کی خواتین پر مشتمل کمیونیکیشن ٹیم کے بارے میں اعلان کرتے ہوئے فخر محسوس ہو رہا ہے۔ ان کا کہنا تھا کہ یہ قابل اور تجربہ کار خواتین اپنے کام میں ماہر ہیں اور ملک کے لیے بہتر ثابت ہوں گی۔