نمرتا ہلاکت کیس ، ایف آئی اے کی رپورٹ پولیس کو موصول
لاڑکانہ ( 92 نیوز ) نمرتا ہلاکت کیس میں ایف آئی اے کی رپورٹ پولیس کو موصول ہو گئی ، ذرائع کے مطابق نمرتا آخری وقت تک مہران ابڑو سے رابطے میں تھی ۔
ذرائع کے مطابق مہران ابڑو اور نمرتا کے درمیان چپقلش کا ریکارڈ بھی مل گیا، نمرتا اور مہران ابڑو میں شادی کے معاملے پر تلخ کلامی ہوئی،مہران ابڑو نے جو پیغامات ڈیلیٹ کیے ان کا ریکارڈ بھی مل گیا۔
ریکارڈ کی روشنی میں پولیس نے مہران ابڑو کا دوبارہ بیان لینے کافیصلہ کیا ہے۔
اس سے قبل بینک اسٹیٹمنٹ میں لاکھوں روپے کی ٹرانزیکشنز سامنے آئیں جس پر تحقیقاتی اداروں نے تفتیش کا دائرہ وسیع کرنے کا فیصلہ کرلیا۔
نمرتا ہلاکت کیس میں نمرتا کی سہیلی گیتا کا بیان بھی سامنے آیا جس نے کہا کہ جب ہم کمرے میں داخل ہوئے تو نمرتا بستر پر پری ہوئی تھی ، بازو مڑے ہوئے تھے ، دوپٹہ گلے میں تھا ، نبض ٹٹولی تو چل رہی تھی ، نمرتا کو پہلے فون کیا لیکن کوئی جواب نہیں ملا جس پر دروازہ کھٹکھٹایا ، نہ کھولنے پر روشن دان سے جھانکا تو نمرتا بستر پر پڑی تھی ۔