نقیب اللہ قتل کیس ، 2 گواہوں نے 3 پولیس اہلکاروں کو شناخت کر لیا

کراچی (92 نیوز) نقیب اللہ قتل کیس میں گرفتار تین پولیس اہلکاروں کی جوڈیشل مجسٹریٹ ملیر کی عدالت میں شناختی پریڈ ہوئی ۔ دو گواہوں نے تینوں پولیس اہلکاروں عبدالحی ، غلام ناظر اور شفیق کو شناخت کر لیا جس کے بعد تینوں پولیس اہلکاروں کو پولیس کے حوالے کر دیا ۔
دوسری جانب مفرور راوانوار کی ملیرضلع سے گرفت کمزورکرنے کے لئے اقدامات جاری ہیں ۔
ایس ایس پی ملیر عدیل چانڈیو نےملیر سترہ میں سے پانچ تھانے ختم کرنے کے لئے ایڈیشنل آئی جی کوخط لکھ دیا ۔
ذرائع کےمطابق مبینہ ٹاون، سچل، سہراب گوٹھ ، سائٹ سپرہائی وے اورگلشن معمار تھانے ختم کرنے کی سفارش کی گئی ہے ۔
خط میں کہا گیا کہ چار تھانےضلع ایسٹ اور ایک تھانہ ویسٹ زون میں شامل کیا جائے ۔
پانچوں تھانے سابق ایس ایس پی ملیر کی درخواست پر ضلع ملیر میں شامل کئے گئے تھے ۔