نسوار رکھنے کی اجازت دی جائے، راولپنڈی اسلام آباد میٹرو بس سروس ڈرائیورز کا مطالبہ
اسلام آباد (92 نیوز) راولپنڈی اسلام آباد میٹرو بس سروس کے احتجاجی ڈرائیو رزکا تنخواہوں کی ادائیگی کے ساتھ نیا انوکھا مطالبہ سامنے آگیا جس میں کہا گیا کہ دوران ڈرائیونگ نسواررکھنے کی اجازت دی جائے۔
راولپنڈی اسلام آباد میٹرو بس سروس کے ڈرائیورز نیا مطالبہ سامنے لے آئے ، 120 ڈرائیورز نے گزشتہ روز تنخواہوں میں عدم ادائیگی کےخلاف احتجاج شروع کیا اور بسیں روک دیں، ہفتے کی صبح انتظامیہ نے متبادل ڈرائیورز کا انتظام کیا اور بسیں دوبارہ چلوائیں۔
احتجاجی ڈرائیورز نئے ڈرائیورز کے آنے پرغصے میں آگئے ، پریڈ گراؤنڈ اسٹیشن پر جم کراحتجاج کیا، بس سروس کی انتظامیہ کا کہنا ہے کہ چند ڈرائیورزہڑتال پر ہیں۔
باقی سٹاف کام کررہا ہے۔۔جڑواں شہروں کے درمیان بسیں چل رہی ہیں۔جلد ہڑتالی ڈرائیوز کے تحفظات کو دور کردیا جائیگا۔
