ندیم افضل چن نے استعفیٰ دیا نہیں، ان سے لیاگیا، علی امین گنڈا پور

ڈیرہ اسماعیل خان (92 نیوز) وفاقی وزیر برائے امورِ کشمیر علی امین گنڈا پور نے کہا کہ ندیم افضل چن نے استعفیٰ دیا نہیں بلکہ ان سے لیا گیا ہے ۔

ڈیرہ اسماعیل خان میں میڈیا سے گفتگو کرتے ہوئے علی امین گنڈا پور کاکنا تھا کہ عمران خان  پارٹی کے سربراہ ہیں ، ان کا ہی وژن چلے گا، ندیم افضل چن کوپارٹی نے عزت دی لیکن انہوں نے پارٹی کو سمجھا  نہیں ۔

علی امین گنڈا پور نے مزید کہا کہ ندیم افضل چن کو پارٹی نے ٹکٹ دیا  لیکن وہ ہار گئے  اس کے باوجود پارٹی نے انہیں  عہدہ دیا۔