Thursday, March 28, 2024

ناروے کے سفیر کی دفتر خارجہ طلبی ، قرآن پاک کی بے حرمتی کے واقعے پر شدید احتجاج

ناروے کے سفیر کی دفتر خارجہ طلبی ، قرآن پاک کی بے حرمتی کے واقعے پر شدید احتجاج
November 23, 2019
اسلام آباد ( 92 نیوز) ناروے کے شہر کرسچین سینڈ میں قرآن پاک کی بے حرمتی کے اندوہناک واقعے پر  پاکستان میں ناروے کے سفیر کو دفتر خارجہ طلب کر کے شدید احتجاج ریکارڈ کرایا گیا  جبکہ پاکستانی حکومت اور عوام کے شدید تحفظات سے بھی آگاہ کیا گیا۔ ترجمان دفتر خارجہ کے مطابق  ناروے کے سفیر بتایا گیا کہ  افسوسناک واقعہ نے پاکستان سمیت 1 ارب 30 کروڑ مسلمانوں کے جذبات کو مجروح کیا، آزادی اظہار رائے کے نام پر ایسے واقعات ناقابل فہم اور ناقابل قبول ہیں۔ ترجمان دفتر خارجہ کے مطابق پاکستان نے واقعے میں ملوث افراد کو انصاف کے کٹہرے میں لانے  اور آئندہ ایسے واقعات کی روک  تھام کے لئے اقدامات اٹھانے کا مطالبہ  کیا۔ ترجمان دفتر خارجہ کے مطابق  اوسلو ، ناروے میں متعین پاکستانی سفیر کو بھی نارویجن حکام کے ساتھ  شدید احتجاج کی ہدایت کی گئی  ۔