سندھ کے عوام سے مل کر زرداری کے مستقبل کا فیصلہ کرونگا، عمران خان
اسلام آباد ( 92 نیوز ) عمران خان نے اگلے ہفتے کراچی جانے کا اعلان کردیا ۔ چیئرمین پی ٹی آئی نے کہا کہ سندھ کے عوام سے مل کر زرداری کے مستقبل کا فیصلہ کریں گے ۔
عمران خان نے مزید کہا کہ نوازشریف کو کٹہرے میں کھڑا کردیا ہے ۔ اب زرداری کی باری ہے ۔
چیئرمین پی ٹی آئی نے اسلام آباد میں فاٹا یوتھ کنونشن سے بھی خطاب کیا ۔ انہوں نے خطاب میں کہا کہ نائن الیون سے پہلے فاٹا کے حالات بہت بہتر تھے ۔
اسلام آباد میں کنونشن سنٹر میں چیئرمین تحریک انصاف عمران خان نے خطاب کرتے ہوئے کہا کہ انصاف کا نظام ٹھیک چلے تو جرائم نہیں ہوتے ۔ فاٹا کے لوگوں نے خود پاکستان میں شامل ہونے کا فیصلہ کیا تھا ۔ فاٹا کی صحیح جگپہ خیبر پختونخوا ہی ہے۔
عمران خان نے مزید کہا کہ مشرقی پاکستان اس لئے علیحدہ ہوا کہ ہم نے ان سے انصاف نہیں کیا ۔ سوئٹزر لینڈ میں چار قومیں بستی ہیں مگر کسی نے کبھی آزادی کا مطالبہ نہیں کیا ۔ اس کی وجہ یہ ہے کہ انہیں بروقت انصاف ملتاہے ۔