نئے سال کے آغاز پر ہالی وڈ کے سر پر ’’بھنگ‘‘ چڑھ گئی

لاس اینجلس (ویب ڈیسک) نئے سال پر انوکھی تبدیلیاں ہونے لگیں۔ ہالی وڈ کے رنگ میں بھی بھنگ ڈال دی گئی۔ امریکی شہر لاس اینجلس میں ہالی وڈ کے سائن کو ”ہالی ویڈ“ میں تبدیل کر دیا گیا۔ تفصیلات کے مطابق امریکی ریاست کیلیفورنیا کے شہر لاس اینجلس کے باسیوں نے نئے سال پر شہر میں انوکھی تبدیلی دیکھی۔

سب کچھ پرانا ہی تھا لیکن مشہور ہالی وڈ کے سائن کو”ہالی ویڈ“ میں تبدیل کر دیا گیا۔ ماؤنٹ لی پر نصب اس سائن کے حروف کی لمبائی پینتالیس فٹ ہے۔ اس مذاق سے کسی قسم کا نقصان نہیں پہنچا۔ انگریزی کے حرف ”او“ کو ترپال کی مدد سے اس انداز میں ڈھانپا گیا تھا کہ وہ”ای“ کی شکل میں دکھائی دینے لگے۔ بھنگ کو انگریزی زبان میں ”ویڈ“کہا جاتا ہے۔