ن لیگیوں کی سیاسی تربیت کا مسئلہ ہے ، کھیلنے کو چاند مانگتے ہیں ، فواد چودھری
اسلام آباد ( 92 نیوز ) قومی اسمبلی کا اجلاس ایک بار پھر مچھلی منڈی کا منظر پیش کرتا رہا ۔
قومی اسمبلی کے اجلاس کے دوران اپوزیشن نے فواد چودھری کی تقریر کے دوران ہنگامہ برپا کر دیا ۔ اپوزیشن نے نیب کی زیر حراست خواجہ سعد رفیق کیلئے پروڈکشن آرڈر جاری رکنے کا بھی مطالبہ کیا۔
وفاقی وزیر اطلاعات و نشریات فواد چودھری نے قومی اسمبلی کے اجلاس کے دوران تقریرمیں کہا کہ ن لیگ والوں کی سیاسی تربیت کا مسئلہ ہے ، انوکھے لاڈلے اب کھیلنے کو چاند مانگتے ہیں ، سعدرفیق کی گرفتاری ہائیکورٹ میں ضمانت مسترد ہونے کے بعد ہوئی ،تمام کیسز گزشتہ دور سے چل رہے ہیں ۔
فواد چودھری کا کہنا تھا کہ شورشرابا کرنےوالوں کو سعدرفیق کی گرفتاری کا دکھ نہیں ،اپنی باری آنے کا ڈر ہے ۔