ن لیگی وفد کی مولانا فضل الرحمان سے ملاقات، نوازشریف کا خط حوالے کیا
پشاور( 92 نیوز ) ن لیگی وفد نے مولانا فضل الرحمان سے ملاقات کر کے جیل سے لکھا گیا نواز شریف کا خط ان کے حوالے کر دیا ۔
مسلم لیگ ن کے وفد نے مولانا فضل الرحمان سے پشاور میں جے یو آئی ایف مرکز میں ملاقات کی ، ملاقات میں نواز شریف کا خط مولانا فضل الرحمان کے حوالے کیا اور خط کے مندرجات پر تبادلہ خیال کیا۔
ن لیگی وفد میں احسن اقبال،امیرمقام ،طارق فضل چودھری اورمریم اورنگزیب سمیت دیگر افراد رہنما شامل تھے ۔
ملاقات میں مولانا فضل الرحمان کے آزادی مارچ اور دھرنے کے حوالے سے مختلف تجاویز پر بھی گفتگو ہوئی۔