ن لیگ کی قیادت عوام اور ملک کا نقصان کر رہی ہے، جلیل شرقپوری

لاہور (92 نیوز) ن لیگ کے ناراض رہنماء جلیل شرقپوری نے کہا، ن لیگ کی قیادت عوام اور ملک کا نقصان کررہی ہے، استعفے دینا چاہتے ہیں تو دیں اور اپنی بات سچی ثابت کریں۔

منگل کے روز لاہور پریس کلب میں ن لیگ کے ناراض ارکان نے پریس کانفرنس میں کہا، ہم پانچ ممبران استعفے دینے کیلئے تیار ہیں۔ جلیل شرقپوری بولے ملک اور قوم کو ذاتی مفادات کے لیے استعمال نہیں کرنے دینگے۔

اُنہوں نے کہا کہ نوازشریف سچے ہیں تو عدالتوں کا سامنا کریں۔ انصافی بھی ہورہی ہے تو نوازشریف میدان میں رہیں اور اپنے آپ کو سچا ثابت کریں۔ نوازشریف نہیں آتے تو ہم سمجھتے ہیں دال میں کچھ کالا ہے۔

اُن کا مزید کہنا تھا، جلوس نکالنے سے ملک میں افراتفری اور انتشار پھیلے گا۔انہوں نے دوہرایا کہ ہم 5 ممبران استعفے دینے کیلئے تیار ہیں۔