ن لیگ نے وزیراعظم کے ریلیف پیکیج کو تکلیف پیکیج کا نام دے دیا
اسلام آباد (92 نیوز) ن لیگ نے وزیراعظم عمران خان کے ریلیف پیکیج کو تکلیف پیکیج کا نام دے دیا۔
ترجمان ن لیگ مریم اورنگ زیب کا کہنا تھا کہ وزیراعظم کے تکلیف پیکیج کا اطلاق شروع ہو گیا۔ پٹرول کی قیمت بھرنے سے ایک بار پھر آٹا ، چینی ، گیس بجلی دوائی اور کھانے پینے کی اشیا کی قیمت میں اضافہ ہو گا۔
تکلیف پیکج کے تحت پٹرول چینی کی قیمت بڑھانا عوام کی مشکلات میں اضافہ اور مافیا کی زندگیوں میں آسانیاں لانے اور جیبیں بھرنے کیلئے سنگِ میل ثابت ہورہا ہے عمران صاحب مہنگائی سے پسی عوام کی چیخوں اور بددعاؤں کی آوازیں سُنیں اور استیفیٰ دیں #استیفیٰ
— Marriyum Aurangzeb (@Marriyum_A) November 5, 2021
ادھر احسن اقبال نے ٹویٹ میں کہا حکومت نے عوام کو مزید کچلنے کے لیے پٹرول 8 روپے مزید مہنگا کر دیا۔ حکومتی ترجمان خطے کے دوسرے ممالک کی مثالیں دیتے نہیں تھکتے۔ بھارت میں پٹرول 5 روپے اور ڈیزل 10 روپے سستا کیا گیا۔