ن لیگ نے بریف کیس چلائے، ججز سے مرضی کے فیصلے کرائے، فرخ حبیب

اسلام آباد (92 نیوز) وزیرمملکت فرخ حبیب نے کہا، ن لیگ نے بریف کیس چلائے، ججز سے مرضی کے فیصلے کرائے۔

جمعرات کے روز میڈیا سے گفتگو میں انہوں نے کہا کہ، مریم صفدر نے اپنی سربراہی میں نیب پر حملہ کرایا۔ بولے جب اقتدار ہوتا ہے تو یہ پاکستان میں ہوتے ہیں جب اقتدار نہ ہوتو بھگوڑے ہو جاتے ہیں۔

وزیرمملکت اطلاعات نے کہا، مریم نواز مقدمات میں تاخیری حربے استعمال کررہی ہیں، ان کے کیسز کی سماعت روزانہ کی بنیاد پر کی جائے۔ نوازشریف کی جائیدادیں نیلام کرکے ریکوری کی جائے گی۔

اُن کا مزید کہنا تھا کہ، بھارت جعلی ٹویٹ کرکے پاکستان کے خلاف سازش کر رہا ہے، جیسے لوگ ملک پر اپنے بغض کو ترجیح دے رہے ہیں۔