میٹرو بس کے کرائے میں 20 روپے اضافے کی نئی تجویز ، ذرائع
لاہور (92 نیوز) میٹرو بس کا کرایہ مزید بڑھانے کی تیاریاں کر لی گئیں۔ ذرائع کے مطابق کرائے میں 20 روپے اضافے کی نئی تجویز آ گئی۔
کئی چیزیں مہنگی کیے جانے کے بعد شہریوں پر ایک اور بجلی گرانے کا فیصلہ کر لیا گیا۔ میٹرو بس کا کرایہ بڑھانے کی بھی تیاریاں کی جارہی ہیں۔
ذرائع کے مطابق میٹروبس کے کرائے میں بیس روپے اضافے کی تجویز دے دی گئی ہے۔ ذرائع نے بتایا ہے کہ وزارت خزانہ اور وزارت ٹرانسپورٹ میٹرو کا کرایہ پچاس روپے کرنے کی خواہشمند ہیں۔
وزیراعلی پنجاب کو میٹرو کا کرایہ پچاس روپے کرنے کی تجویز دے بھی دی گئی ہے۔ ذرائع کے مطابق میٹروبس کے تیس روپے کرائے پر پنجاب حکومت کوسالانہ بارہ اعشاریہ تین ارب روپے سالانہ سبسڈی دینا پڑتی ہے جو کرایہ بڑھانے کی صورت میں دس اعشاریہ پانچ ارب روپے ہو جائے گی۔
