مہاراشٹر میں سڑکوں کی خراب صورتحال پر کانگریسی رہنما نے انجینئر پر کیچڑ پھینک دیا
نیو دہلی (92 نیوز) بھارتی ریاست مہاراشٹر میں سڑکوں کی خراب صورتحال پر کانگریسی رہنما اور حامیوں نے انجینئر پر کیچڑ پھینک دیا۔
قانون ساز اسمبلی کے رکن اور مہاراشٹر کے سابق وزیر اعلیٰ نارائن رانے کے بیٹے نتیش رانے اور حامیوں نے انجینئر پر اُس وقت کیچڑ پھینکا جب وہ ایک پُل کا معائنہ کر رہے تھے۔
مشتعل افراد نے انجینئر کو دھکے بھی دیئے اور بعد میں پُل سے باندھ دیا۔ واقعے کی ویڈیو وائرل ہونے کے بعد پولیس نے نتیش رانے سمیت سولہ افراد کو گرفتار کرکے مقدمہ درج کر لیا۔