موڈیز نے پاکستان کی ریٹنگ مستحکم قرار دیدی

اسلام آباد (92 نیوز) موڈیز نے پاکستان کی ریٹنگ مستحکم قرار دے دی۔ وزارتِ خزانہ کا کہنا ہے کہ موڈیز کی جانب سے پاکستان کی ریٹنگ بی تھری برقرار رکھنا اقتصادی و مالی پالیسیوں پر اعتماد کا اظہار ہے۔ بین الاقوامی کریڈٹ ریٹنگ ایجنسی موڈیز نے پاکستان کی ریٹنگ مستحکم قرار دے دی۔ وزارت خزانہ نے تصدیق کردی بتایا کہ موڈیز نے پاکستان کی ریٹنگ مستحکم سے کم کرنے کا جائزہ لیا تھا، جائزے کے بعد موڈیز نے پاکستان کی ریٹنگ بی تھری برقرار رکھی۔ وزارتِ خزانہ کا مزید کہنا ہے کہ موڈیز کی جانب سے پاکستان کی ریٹنگ بی تھری برقرار رکھنا اقتصادی و مالی پالیسیوں پر اعتماد کا اظہار ہے۔ وزارت خزانہ کا یہ بھی کہنا ہے کہ موڈیز نے غیر یقینی اور مشکل ترین حالات میں پاکستانی پالیسیوں پر اعتماد کا اظہار کیا ہے۔ وفاقی وزیر منصوبہ بندی اسد عمر نے موڈیز آؤٹ لک پر ٹویٹ میں کہا کہ عالمی وباء کے دوران موڈیز نے پاکستان کے معاشی نظام میں بہتری کی تصدیق کر دی اور وزیراعظم کے وژن، صحت اور معاشی تحفظ کے نقطہ نظر کو تسلیم کیا۔ انہوں نے کہا پاکستان نے معاشی اور قومی دونوں معاملات پر کامیابی حاصل کی ہے۔