مولانا کے دھرنے کیساتھ چلنے کو کوئی پارٹی تیار نہیں ، فیاض الحسن چوہان
لاہور ( 92 نیوز) صوبائی وزیر اطلاعات فیاض الحسن چوہان نے دعویٰ کیا کہ کوئی پارٹی مولانا فضل الرحمان کے دھرنے کے ساتھ چلنے کو تیار نہیں ۔
صوبائی وزیر اطلاعات پنجاب کا کہنا تھا کہ دھرنا نہیں ہوگا ، مسلح جتھوں کی اجازت کسی کو نہیں ، مولانا کے نمائندے ٹی وی پر بیٹھ کر غلط زبان استعمال کر ررہے ہیں ۔
بلاول زرداری اور شہباز شریف نے تو انہیں ٹکے ، آنے کا جواب دے دیا ہے ، آئین کاآرٹیکل 14،15،16 انہیں آزادی اظہار رائے کی اجازت دیتا ہے ، آ کر جلسہ کریں ، لیکن آئین کا آرٹیکل 256 انہیں پابند کرتا ہے کہ کسی طرح کے مسلح جتھوں کی اجازت نہیں ۔
آئین کے ہی آرٹیکل کے مطابق امن و امان کی صورتحال خراب کی گئی تو آئین کے مطابق اقدام اٹھائے جائیں گے ۔