منشیات کی غیر قانونی اسمگلنگ کی روک تھام حکومت پاکستان کی اولین ترجیح ہے ، عارف علوی
اسلام آباد (92 نیوز) صدر مملکت عارف علوی کا کہنا ہے منشیات کے استعمال اور اسکی غیر قانونی اسمگلنگ کی روک تھام حکومت پاکستان کی اولین ترجیح ہے۔
صدر عارف علوی کا منشیات کے استعمال اور اسمگلنگ کے خلاف عالمی دن کے موقع پر اپنے پیغام میں کہنا تھا منشیات کا عالمی دن ہر سال 26 جون کو عالمی رہنماؤں ، بین الاقو امی برادری ، عالمی اتحاد اور انجمنوں سمیت سب کیلئے ایک یاد دہانی کے دن کے طور پر منایا جاتا ہے۔ یہ دن اس بات کا تقاضا کرتا ہے کہ ہم مشترکہ کاوشوں سے منشیات کی غیر قانونی تجارت روکنے کیلئے اپنی اجتماعی ذمہ داری ادا کریں۔
'On this
day, we reaffirm our resolve to curb and eliminate trade in narcotics
and banned substances posing serious danger to health of our
people."
President Dr. Arif Alvi's
message on International Day Against Drug Abuse and Illicit Trafficking,
2021 pic.twitter.com/jprt29AqXd
صدر مملکت نے کہا آج کے دن ہم منشیات کی اسمگلنگ کے خاتمے کے عزم کا اعادہ کرتے ہیں کیونکہ ان سے عوام کی صحت کو سخت خطرات لاحق ہیں۔ منشیات کے استعمال اور اسکی غیر قانونی اسمگلنگ کی روک تھام کیلئے موثر اقدامات حکومتِ پاکستان کی اولین ترجیح ہیں۔
انہوں نے مزید کہا ہم منشیات کی ضبطی کے لحاظ سے دنیا کے تین سرفہرست ممالک میں شامل ہیں۔ پاکستان سرحدوں کی نگرانی کے مؤثر نظام کے ذریعے منشیات کی اسمگلنگ روکنے والے صف اول کے ممالک میں شامل ہے۔