ممبران الیکشن کمیشن ذمہ داریاں ادا کرنے میں ناکام رہے، مستعفی ہوں ، شفقت محمود
اسلام آباد (92 نیوز) وفاقی وزیر شفقت محمود نے الیکشن کمیشن کے ممبران سے مستعفی ہونے کا مطالبہ کر دیا ۔
حکومت نے ممبران الیکشن کمیشن آف پاکستان سے استعفے کا مطالبہ کر دیا، وفاقی وزیر شفقت محمود بولے ممبران ا لیکشن کمیشن ناکام ہو چکے اور نیوٹرل ایمپائر کا کردار ادا نہیں کیا ، اس لیے اسے بحیثیت مجموعی استعفیٰ دینا چاہیے۔
شفقت محمود کا مزید کہنا تھا کہ لوگوں کا اعتماد الیکشن کمیشن سے اٹھ چکا ، نیا الیکشن کمیشن بنے جس پر سب کا اعتماد ہو ، ممبران کمیشن کے خلاف کوئی ریفرنس دائر نہیں کریں گے۔