پنجاب کے مختلف علاقوں میں زلزلے کے جھٹکے،عوام خوفزدہ ہوکر کھلے آسمان تلے آگئے

لاہور ( 92 نیوز) پنجاب کے مختلف علاقوں میں زلزلے کے شدید جھٹکے محسوس کئے گئے ،لوگ خوف و ہراس کے باعث گھروں اور دفاتر سے نکل کر کھلے آسمان تلے  آگئے ،ریکٹر اسکیل پر شدت 4.3 ریکارڈ کی گئی ۔ لاہور، شیخوپورہ ، گوجرانوالہ ، صفدر آباد ، ہارون آباد ، ننکانہ صاحب ، پاکپتن ،فیصل آباد ، اسلام آباد سمیت متعدد شہروں میں زلزلے کے جھٹکے محسوس کئے گئے ، جھٹکے اس قدر شدید تھے کہ عوام خوف و ہراس کا شکار ہو گئے اور کلمہ طیبہ کا ورد کرتے ہوئے  گھروں ، دفاتر سے نکل کر کھلے آسمان تلے آگئے ۔ زلزلہ کا مرکز شمالی ننکانہ صاحب پنجاب تھا ، گہرائی 30 کلو میٹر تھی ۔ملک بھر سے ابھی تک زلزلے کے باعث کسی قسم کے جانی نقصان کی اطلاع موصول نہیں ہوئی ۔