ملک کے مختلف علاقوں میں دھند کا راج ، حد نگاہ انتہائی کم
اسلام آباد ( 92 نیوز) ملک کے مختلف علاقوں میں دھند کا راج ہے جس کے باعث حد نگاہ انتہائی کم ہے جس سے ٹرینوں اور فلائٹس کا شیڈول بری طرح متاثر ہوا ہے ۔
شدید دھند اور حد نگاہ انتہائی کم ہونے کے باعث موٹر وے ایم ٹو لاہور سے خانقاہ ڈوگراں ، ملتان سے سکھر سیکشن، ایم تھری فیض پور سے درکھانہ ،ایم فور فیصل آباد سے پنڈی بھٹیاں،شور کوٹ سے گوجرہ سیکشن بھی ٹریفک کیلئے بند ہے ۔
قومی شاہراہ پر اوکاڑہ، ساہیوال، خانیوال، لودھراں، بہاولپور میں بھی شدید دھند کا راج ہے ۔ متعدد ایئرپورٹس پر فلائٹ آپریشن معطل کر دیا گیا ہے جب کہ ٹرینیں بھی تاخیر کا شکار ہیں ۔