ملک کے مختلف شہروں میں بارش سے موسم خوشگوار
لاہور (92 نیوز) ملک کے مختلف شہروں میں بارش سے موسم خوشگوار ہو گیا۔
صبح کے وقت صوبائی دارالحکومت میں ہوئی بارش نے لاہور میں مری کے مزے کرا دیئے۔ کالی گھٹائیں چھائیں تو ٹھنڈی ہوائیں بھی آ گئیں۔ پھر مختلف علاقوں میں ہلکی اور تیز بارش ہوئی۔ ایئرپورٹ پر سب سے زیادہ اٹھارہ اعشاریہ دو ملی میٹر بارش ریکارڈ کی گئی۔ لکشمی چوک اور تاج پورہ میں بارہ ملی میٹر بارش ہوئی۔
محکمہ موسمیات نے اگلے چوبیس گھنٹے میں مزید بارش کی پیش گوئی کی ہے۔