ملک کے 37 حلقوں میں ضمنی انتخابات کیلئے کاغذات نامزدگی کی وصولی شروع
اسلام آباد (92 نیوز) قومی اسمبلی کے 11 اور صوبائی اسمبلی کے 26 حلقوں میں ضمنی انتخابات کے لیے کاغذات نامزدگی کی وصولی شروع ہو گئی۔ امیدوار تیس اگست تک کاغذات جمع کروا سکیں گے جبکہ پولنگ چودہ اکتوبر کو ہو گی۔
ریٹرننگ افسران امیدواروں کے ابتدائی نام اکتیس اگست کو جاری کریں گے۔
کاغذات کی جانچ پڑتال چار ستمبر کو ہو گی۔
آر اوز کے فیصلوں پر اپیلیں آٹھ ستمبر تک دائر کی جاسکیں گی۔ اپیلٹ ٹربیونلز تیرہ ستمبر تک فیصلے کریں گے۔
امیدواروں کی نظرثانی شدہ لسٹیں چودہ ستمبر کو جاری ہوں گی۔
پندرہ ستمبر تک کاغذات واپس لیے جاسکیں گے جبکہ امیدواروں کو انتخابی نشانات سولہ ستمبر کو جاری کیے جائیں گے۔
