ملک میں گذشتہ 24 گھنٹوں میں کورونا سے 40 افراد جان کی بازی ہار گئے

نیشنل کمانڈ اینڈ آپریشن سنٹر کے مطابق گذشتہ 24 گھنٹوں میں کورونا کے 2 ہزار 839 نئے کیسز سامنے آئے جبکہ 40 افراد جاں بحق ہو گئے ۔ اموات کی مجموعی تعداد 8 ہزار 25 ہو گئی۔

ترجمان کا کہنا ہے کہ اس وقت 2 ہزار 46 افراد کی حالت تشویشناک ہے جبکہ صحتیاب ہونے والے مریضوں کی تعداد 3 لاکھ 41 ہزار 423 ہو گئی۔

ترجمان کے مطابق ملک بھر میں کورونا وائرس کے مریضوں کی تعداد 3 لاکھ 98 ہزار 24 تک پہنچ گئی ۔ سندھ میں مریضوں کی تعداد ایک لاکھ 73 ہزار 14 ، پنجاب میں 1 لاکھ 19 ہزار 35 ، کے پی کے میں 47 ہزار 190 ، بلوچستان میں 17 ہزار 158 ، اسلام آباد میں 30 ہزار 123 ، آزاد جموں و کشمیر میں 6 ہزار 855 اور گلگت بلتستان میں 4 ہزار 649 ہے۔

ترجمان نے کہا گذشتہ روز 33 ہزار 302 افراد کے  ٹیسٹ کیے گئے ۔ ملک بھر میں اب تک 55 لاکھ 8 ہزار 810 افراد کے ٹیسٹ کیے جا چکے ہیں ۔ 614 اسپتالوں میں کورونا مریضوں کے لیے سہولیات دستیاب ہیں جبکہ 2 ہزار 543 مریض اسپتالوں میں زیر علاج ہیں۔