ملک میں 50 لاکھ لوگ بےروزگار، 2 کروڑ غربت کا شکار ہوچکے، شہباز شریف
لاہور (92 نیوز) مسلم لیگ نون کے صدر شہباز شریف کا کہنا ہے کہ، ملک میں 50 لاکھ لوگ بےروزگار اور 2 کروڑ بدترین غربت کا شکار ہوچکے۔ اندازہ لگائیں، ہماری معیشت کس پاتال میں جاگری ہے۔
اُنہوں نے اپنے ٹویٹ پیغام میں لکھا کہ، عمران خان کا معاشی نظام صرف اپنے دوستوں کو فائدہ پہنچانے کے لیے ہے۔ کامیاب معیشت میں مہنگائی کم، روزگار میں اضافہ ہوتا ہے، حکومت سکول، اسپتال اور انفراسٹرکچر کے منصوبے بناتی ہے۔
PTI پچاس لاکھ لوگوں کو بے روزگار اور 2کروڑ کو بدترین غربت میں دھکیل چکی ہے۔ عمران معاشی نظام اپنے دوستوں کو نفع پہنچانے کے لئے چلارہے ہیں۔ کامیاب معیشت میں مہنگائی کم، روزگار میں اضافہ ہوتا ہے،حکومت سکول، ہسپتال اور انفراسٹرکچر کے منصوبے بناتی ہے۔ہماری معیشت کس پاتال میں جاگری ہے
— Shehbaz Sharif (القدس في العيون) (@CMShehbaz) May 22, 2021
اُنہوں نے لکھا کہ 5 فروری کے بعد ہر ہفتے قیمتوں میں 13 فیصد ہوا، گذشتہ برس کی نسبت رواں ہفتے قیمتیں 17 فیصد بڑھیں۔ مڈل کلاس طبقہ تباہ ہوچکا۔
ہم نے شرح ترقی %5.8 پر چھوڑی اور عمران آج محض %3.9 شرح ترقی کا دعوہ کر رہے ہیں۔ سٹیٹ بینک کے نمائندے نےاس پر اعتراض اٹھایا ہے کہ یہ عدد اصل سےزیادہ دکھایا گیا ہے۔ PTI نے اپنے پہلے سال میں اصل %1.9 کے عدد کو بڑھا چڑھاکر %3.3 دکھایاتھا۔ اس سال بھی انہوں نے جھوٹ بولا۔ اندازہ لگائیں!
— Shehbaz Sharif (القدس في العيون) (@CMShehbaz) May 22, 2021
شہباز شریف نے مزید لکھا کہ، ہم نے شرح ترقی 5.8 فیصد پر چھوڑی اور عمران آج محض 3.9 فیصد شرح ترقی کا دعویٰ کر رہے ہیں۔ پی ٹی آئی نے اپنے پہلے سال میں شرح ترقی کو بڑھا کر دکھایا۔
