ملک بھر میں کورونا مزید 111 جانیں لے گیا
اسلام آباد (92 نیوز) ملک بھر میں کورونا مزید 111 جانیں لے گیا۔ مہلک وبا سے انتقال کرنے والوں کی تعداد 9 ہزار 668 ہو گئی۔
نیشنل کمانڈ اینڈ آپریشن سنٹر کے مطابق گذشتہ روز کورونا کے 2 ہزار 256 نئے کیسز سامنے آئے جبکہ 111 افراد جان کی بازی ہار گئے جس کے بعد اموات کی مجموعی تعداد 9 ہزار 668 تک پہنچ گئی ۔ ملک بھر میں کورونا وائرس کے مریضوں کی تعداد 4 لاکھ 65 ہزار 70 تک پہنچ گئی ۔ سندھ میں 2 لاکھ 7 ہزار 407 ، پنجاب میں 1 لاکھ 33 ہزار 874 ، کے پی کے میں 56 ہزار 160 ، بلوچستان میں 18 ہزار 5 ، اسلام آباد میں 36 ہزار 721 ، آزاد جموں و کشمیر میں 8 ہزار 65 اور گلگت بلتستان میں 4 ہزار 838 مریض ہیں ۔
این سی او سی حکام کا کہنا ہے کہ کورونا کو شکست دینے والوں کی شرح بڑھنے لگی ۔ گزشتہ 24 گھنٹوں میں کورونا سے صحت یاب ہونے والوں کی شرح 89.7 فیصد رہی ۔ اب تک 4 لاکھ 17 ہزار 134 مریض صحتیاب ہوچکے ہیں ۔
ملک بھر میں ایکٹو کیسز کی تعداد 38 ہزار 268 ہے ۔ سندھ میں 18 ہزار 989 ، پنجاب 8 ہزار 875 ، کے پی کے میں 4 ہزار 339 ، اسلام آباد 4 ہزار 991 ، گلگت بلتستان 90 ، بلوچستان 295 اور آزاد کشمیر میں 689 ایکٹو کیسز ہیں ۔ ملک بھر میں اب تک 64 لاکھ 28 ہزار 240 ٹیسٹ کیے جا چکے ہیں ۔