ملک بھر میں ماتمی جلوسوں کی گزرگاہوں پر دودھ اور پانی کی سبیلیں لگائی جارہی ہیں
اسلام آباد(92نیوز)شہدائے کربلا کی پیاس کو یاد کرنے کے لیے محرم الحرام میں ماتمی جلوس کی گذرگاہوں پردودھ اور پانی کی سبیل لگائی جارہی ہیں ۔
تفصیلات کےمطابق ماہ محرم الحرام میں شہدائے کربلا کی پیاس کو یاد رکھنے کے لئے شہر کی مختلف شاہراہوں پر سبیلوں کا اہتمام کیا جاتاہے جہاں نوجوان ٹھنڈے مشروب تیارکر کے لوگوں کو پلاتے ہیں۔
عزاداروں کا کہنا ہے کہ سانحہ کربلا میں یزیدی فوج نے امام حسین اور ان کے ساتھیوں کے لیے دریائے فرات کا پانی بند کردیا تھا، جس کی یاد میں وہ ہر سال سبیلیں لگاتے ہیں۔
عزاداروں کا کہنا تھا کہ امام حسین نے کربلا بھوکا پیاسا رہ کر یہ ثابت کردیا کہ باطل کے سامنے سر جھکانے سے بہتر ہےکہ انسان اپنی جان دے دے۔