ملتان میں تاجر کے گودام میں آگ کیسے لگی ؟،نائنٹی ٹو نیوز تفصیلات سامنے لے آیا

گتے کے گودام کے مالک شیخ اویس نے نائنٹی ٹو نیوز سے گفتگو کرتے ہوئے کہا کہ ن لیگ کے رہنما شاہد محمود نے آتشبازی کی جس سے آگ بھڑک اٹھی ، آتشزدگی سے لاکھوں کا نقصان ہوا ہے۔ پی ڈی ایم جماعتیں ازالہ کریں۔

ن لیگ کے رہنما شاہد محمود کا کہنا تھا کہ تاجر کے نقصان کا ازالہ ہونا چاہیے، آتشبازی انہوں نے نہیں کی۔

سینیٹر فیصل جاوید اور صوبائی وزیر فیاض الحسن چوہان نے واقعہ پر اپوزیشن رہنماؤں پر کڑی تنقید کرتے ہوئے مقدمے کےاندراج کا مطالبہ کیا۔

ملتان میں پی ڈی ایم جلسے میں مریم نواز کے جلسے کے دوران گتے کے گودام میں آگ بھڑک اٹھی تھی جس سے گودام میں موجود سامان جل کر راکھ ہو گیا۔ آگ لگنے کے باوجود مریم نے اپنی تقریر جاری رکھی تھی۔